വയോജനപരിപാലനം

ഇന്ത്യയിലാദ്യമായി ഒരു സംസ്ഥാനം വയോസൗഹൃദ ബജറ്റ് അവതരിപ്പിച്ചിരിക്കുകയാണ്. ബജറ്റിനോടൊപ്പം അഞ്ചുകോടി രൂപ നീക്കിവെച്ച് വയോജന കമ്മിഷന്‍ രൂപവൽക്കരിക്കാനുള്ള പ്രഖ്യാപനവും നടത്തിയിട്ടുണ്ട്. ഇന്ത്യയിലെ ഇതര സംസ്ഥാനങ്ങളെയപേക്ഷിച്ച് കേരളം വയോജനങ്ങളുടെ എണ്ണത്തിന്റെ കാര്യത്തില്‍ മുന്നിലാണ്. ഇന്ത്യയിലെ ജനസംഖ്യയില്‍ 11.4% പേര്‍ 60 വയസ്സ് പിന്നിട്ടവരാണ്. എന്നാല്‍, കേരളത്തിലിത് 18.7%മാണ്. ആയുര്‍ദൈര്‍ഘ്യത്തിന്റെ കാര്യത്തിലും കേരളീയര്‍ 10 വയസ്സ് കൂടുതല്‍ ജീവിക്കുന്നു. ഇതുകൊണ്ടൊക്കെത്തന്നെ, കേരളം ഇപ്പോള്‍ മുന്നോട്ടുവെച്ചിട്ടുള്ള വയോജനസൗഹൃദ ബജറ്റിന് വലിയ പ്രാധാന്യവും പ്രതീക്ഷയുമുണ്ട്.