അവയവദാനം

ഓരോവ്യക്തിക്കും സ്വന്തംകാര്യത്തിൽ തീരുമാനമെടുക്കാൻ പൂർണ്ണമായ അധികാരമുണ്ട്. എന്നാൽ, മരണത്തോടെ ആ അധികാരം നഷ്ടപ്പെടുകയാണ്. മരണശേഷം തൻ്റെ ശരീരം, വൃക്ക, ഹൃദയം, കരൾ, ശ്വാസകോശം തുടങ്ങിയ അവയവങ്ങൾ ജീവിച്ചിരിക്കുന്ന, ആവശ്യക്കാരായ, മറ്റു മനുഷ്യർക്ക് നൽകുന്നതിന് മരണത്തിനുമുമ്പ് ആവശ്യപ്പെടാൻ ഒരാൾക്ക് കഴിയും. അതിനുള്ള സമ്മതപത്രം കൊടുക്കാൻ വ്യവസ്ഥയുണ്ട്. സമൂഹത്തിന് വലിയ ഗുണഫലങ്ങൾനൽകുന്ന മഹത്തായ ഈ പ്രവൃത്തിക്കുള്ള സമ്മതം മുൻകൂട്ടിത്തന്നെ നമ്മൾ നൽകേണ്ടതുണ്ട്.

ട്രാൻസ്ഫ്യൂഷൻ മെഡിസിൻ (Transfusion Medicine) അഥവാ രക്തപ്പകർച്ചാ വൈദ്യശാസ്ത്രമെന്നത് രക്തദാനം, രക്തം ശേഖരിക്കൽ, പരിശോധന, രക്തഘടകങ്ങൾ വേർതിരിക്കൽ, സംഭരണം, രക്തപ്പകർച്ച (Blood Transfusion) എന്നിവ കൈകാര്യം ചെയ്യുന്ന വൈദ്യശാസ്ത്ര ശാഖയാണ്. രോഗിക്കാവശ്യമായ രക്തം സുരക്ഷിതമായി നൽകുന്നതിനോടൊപ്പം ഇമ്മ്യൂണോഹെമറ്റോളജി, സെല്ലുലാർ തെറാപ്പി, ഹീമോവിജിലൻസ് എന്നിവയും ഈ മേഖലയിൽ ഉൾപ്പെടുന്നു.

രക്തദാനം ജീവദാനമാണെന്ന് നമുക്കെല്ലാമറിയാം. എന്നാൽ, ആധുനിക വൈദ്യശാസ്ത്രത്തിൽ രക്തമെന്നത് കേവലമൊരു ചുവന്നദ്രാവകം മാത്രമല്ല. മറിച്ച്, ജീവൻ നിലനിർത്താൻ സഹായിക്കുന്ന അനേകം ഘടകങ്ങളുടെ സങ്കീർണ്ണമായ മിശ്രിതമാണ്. പഴയകാലത്ത് ചികിത്സയ്ക്കായി 'പൂർണ്ണരക്തം' (Whole Blood) അതേപടി നൽകുന്ന രീതിയായിരുന്നു ഉണ്ടായിരുന്നത്. എന്നാൽ, ഇന്ന് 'ഘടക ചികിത്സ' (Component Therapy) എന്നരീതിയാണ് ആധുനിക ബ്ലഡ് ബാങ്കിങ്ങിൽ അവലംബിക്കുന്നത്. ഒരാളിൽനിന്ന് ലഭിക്കുന്ന ഒരു യൂണിറ്റ് രക്തമുപയോഗിച്ച് ഒന്നിലധികം രോഗികൾക്ക് പുതുജീവൻ നൽകാൻ സാധിക്കുന്നുവെന്നതാണ് ഇതിന്റെ ഏറ്റവുംവലിയ ശാസ്ത്രീയനേട്ടം.

ആധുനിക വൈദ്യശാസ്ത്രം അതിന്റെ ജൈത്രയാത്ര തുടരുമ്പോൾ, വരുംതലമുറയിലെ ഡോക്ടർമാരെ വാർത്തെടുക്കുന്ന വിദ്യാഭ്യാസരീതികളിലും വിപ്ലവകരമായ മാറ്റങ്ങൾ സംഭവിച്ചുകൊണ്ടിരിക്കുകയാണ്. ശരീരഘടന (Anatomy) പഠിക്കുകയെന്നത് മെഡിക്കൽ വിദ്യാർഥികളെ സംബന്ധിച്ചിടത്തോളം ഏറ്റവും വെല്ലുവിളിനിറഞ്ഞ കാര്യമാണ്. പുസ്തകങ്ങളിലെ ദ്വിമാന (2D) ചിത്രങ്ങളിൽനിന്നും ലാബുകളിലെ ശവശരീര പരിശോധനകളിൽ (Cadaver Dissection) നിന്നുംമാറി, ഇന്ന് പഠനം അതിനൂതനമായ ഡിജിറ്റൽ സാങ്കേതികവിദ്യകളിലേക്ക് ചുവടുമാറിയിരിക്കുന്നു

നമ്മുടെ ശരീരം എങ്ങനെയാണ് നിർമ്മിച്ചിരിക്കുന്നതെന്നുംഏത് അവയവം എവിടെയാണ് സ്ഥിതിചെയ്യുന്നതെന്നും അവതമ്മിൽ എങ്ങനെ ബന്ധപ്പെട്ടു പ്രവർത്തിക്കുന്നുവെന്നുമുള്ളതിനെക്കുറിച്ചുള്ള പഠനമാണ് അനാട്ടമി. ഡോക്ടർമാർ രോഗങ്ങളെ മനസ്സിലാക്കാനും ചികിത്സനൽകാനും ഉപയോഗിക്കുന്ന അടിസ്ഥാന അറിവാണിത്.

സെപ്റ്റംബർ 2024 മാർക്സിസ്റ്റ് കമ്യൂണിസ്റ്റ് പാർട്ടിയെ സംബന്ധിച്ചിടത്തോളം നഷ്ടങ്ങളുടെ മാസമായിരുന്നു. സെപ്റ്റംബർ പന്ത്രണ്ടിന് പാർട്ടിയുടെ സമുന്നതനായ അഖിലേന്ത്യാ നേതാവ് സീതാറാം യെച്ചൂരി ശ്വാസകോശ രോഗത്തെത്തുടർന്ന് ഡൽഹിയിലെ എയിംസ് ആശുപത്രിയിൽവച്ച് അന്തരിച്ചു. അദ്ദേഹത്തിന്റെ കുടുംബാംഗങ്ങൾ ഭൗതികശരീരം മെഡിക്കൽ വിദ്യാർഥികളുടെ പഠനത്തിനായി ആ ആശുപത്രിക്കു വിട്ടുനൽകി. ഇതേമാസം ഇരുപത്തിയൊന്നാം തീയതി മാർക്സിസ്റ്റു പാർട്ടിയുടെ കേരളത്തിലെ ഉന്നതനായ നേതാവ് സഖാവ് എം എം ലോറൻസ് കൊച്ചിയിൽ വാർധക്യ സഹജമായ അസുഖങ്ങളെത്തുടർന്ന് അന്തരിച്ചു. അദ്ദേഹത്തിന്റെ ഭൗതികശരീരം ഒടുവിൽ ചില നാടകീയരംഗങ്ങൾക്കുശേഷം എറണാകുളം മെഡിക്കൽ കോളേജിനു വിദ്യാർഥികളുടെ പഠനാവശ്യത്തിനായി വിട്ടുനൽകി. മരണാനന്തരം സ്വന്തംശരീരം പഠന-ഗവേഷണങ്ങൾക്കായി ദാനംചെയ്യുകയെന്നത് മഹത്തരമായ ഒരു കാര്യമാണ്. ഇങ്ങനെയൊരു തീരുമാനമെടുക്കാൻ കഴിയുന്നവരെ അഭിനന്ദിക്കേണ്ടതാണ്.

ആലിൻ ഷെറിൻ എന്ന ഇന്ത്യയിലെ ഏറ്റവും പ്രായം കുറഞ്ഞ അവയവദാതാവിൻ്റെ നിഷ്കളങ്കമായ ചിരിയും അവൾക്കുണ്ടായ അപകടമരണം ഉണർത്തിവിട്ട പലപല സംവാദങ്ങളും ചുറ്റും നിറഞ്ഞു നിൽക്കുന്ന സാഹചര്യമാണല്ലോ. അവയവദാനം രണ്ടുവിധമുണ്ടെന്ന് നമുക്കറിയാം - ജീവനുള്ള ഒരാൾ തൻ്റെ അവയവം ദാനം ചെയ്യുന്നതും മരണാനന്തര അവയവദാനവും. ഇതിൽ മരണാനന്തരമുള്ള അവയവദാനത്തെ പറ്റി മാത്രമാണ് ഇവിടെ ചർച്ച ചെയ്യുന്നത്.